ဖီးအြာသီးမ်ဳိ.န၀္.
မဥ္းထြားႏဲုင္းေ၀ြ.သီးနမ္းန၀္ အေပးကဒစ္ေပးလြဳမ္.သြဴ။
မဥ္းထြားယင္း အကတယ္း.ၿဖံဳးဒီးန၀္. ထြဴစြဥ္းပဥ္ေကာင္ေကာင္သြဴ။
ပိြဳးတမဲုင္နမ္းေပးေပး.လဲ့ တယ္း.ၿဖံဳး.ဒီး.ေမြာ့
ထြဴစြဥ္း.ပဥ္ၿဖံဳး.ၿဖံဳး ပဥ္ေကာင္ေကာင္ေဟာင္း မဥ္းသမ္း ရီန၀္.
ဖီးအြာစိြဳ.တစိြဳ.လြဳမ္းလြဳမ္း ယို တဗားေပး.ငါလဲ့ တခံး.တ၀္း
အအံုေျခင္သြဴ။ တား၀ြန္း.ကအ၀္းဒင္း.ဒါး ေ၀ြ.သီးနမ္းေလာင္း ယို
တခံးတ၀္း အအြဥ္းလြစ္သြဴ။ တထြားလိြဳတ၀္း ေ၀ြ.
သီးတား၀ြန္းပငါပရာ.သြဴ။ မဥ္း.ေဒါ့.ဗားစြဥ္းစြဥ္းန၀္.
တစိြဳ.လြဳမ္းလြဳမ္းသစၥား. အ၀္းငါး.၊ ေလြာင္းဗူး.ငါးႏဲုင္းန၀္.သြဴ။
ယိုန၀္. နီသြဥ္းသီးပအို၀္းအတား အ၀္းလိုးထူးငါးသားဓကသြဴ။
မဥ္းထြားႏဲုင္း နီပအုိ၀္းလို.မ်ဳိ.အ ျဖာ.ေပါင္.န၀္.
အ၀္းေႏြာင္.စိြဳ.တန္ဒ်ား။ မဥ္းေသေထင္းထမ္းေမြး စိြဳးခိြဳ.ထာ. မာ.၊
မဥ္းတအြဥ္း.လြစ္တ၀္း စိြဳးခိြဳ.တား၀ြန္း၊ တသ.ခ်င္း မဥ္း
ေလြာင္းဗူးအြဥ္းေရ.ေမြးေမြးလြ၀င္.န၀္. နီကေမာင္ေကာ့.ဒါး
ပအုိ၀္းခမ္းထီယို တယ္း ေထာင္းေႏြာင္. လ.ေႏြာင္.အာထဲင္းဒိြဳန္းက
ႏဲုင္းပစၥဳပၸဳန္း.ကား.လယိုခါသြဴ။
န၀္.မ ေခြသြဥ္းကထိြဳင္းယဲက္စဲင္းယူးဆြာ.
ႏဲုင္းယိုခါအေခးေနးန၀္. လို.ေကားကေထြေထာင္ခ်ာ စိြဳးခိြဳ.သမဲင္.၊
လို.ကေထင္း ထမ္း စိြဳးခိြဳ.တား.၀ြန္း အဖဲ့.ဖဲ့. အခ၀္ခ၀္သားန၀္.
မဲဥ္းတဲက္တြမ္း လို.ေထာင္တ၀္းသမဲင္.၊
လို.ေထင္းထမ္းတ၀္းတား၀ြန္းသားဖံုးန၀္. ေဆ့. တက အ၀္း
ေဆ့ငါးဒိြဳန္းကသြဴ။ မဥ္းေဒါ့.ဗားစြဥ္းစြဥ္းန၀္.
စိြဳးခိြဳ.တား၀ြန္း ကလြစ္ကင္သားန၀္. အာငါးသြဴ။
ယိုန၀္ပိြဳးေသခ်ာတ၀္းဒိြဳန္းနီ ပအုိ၀္းသမဲင္.ေဟာင္း--- -----။
ပိြဳးေသဟိြဳန္ဆာတ၀္း နီပအုိ၀္းအတိတ္တဖူ.က်မ္.ေဟာင္း ကရို.န၀္.
ေခြသြဥ္းစဥ္.စာ.လြဥ္.တဲ့ တခဲုင္း ေသထြ. ေႏြာင္.လို႔လို႔ဒိြဳန္း ေ၀ြ.
သီးသ.သြဴ။
ေအား------------ ကအ၀္း.အံုေယန္သူး.၊
တေသယူးလ.ခ်ာတ၀္းဒိြဳန္းပအုိ၀္းအတိတ္သမဲင္. တဖူ.က်မ္.သားပအုို၀္းဖံုး.
ေဟြး----- ျဖားတခါး.ခါး.ခန္းမဲ့၊ လ်ာစဲင္းစဲင္းထြဴတဲင္ လန္း.ထြား
ထြာထြာခန္း ပအုိ၀္း.အတိတ္ဘ၀သမဲင္. တဖူ.သူ.မိြဳင္------။
မဥ္း.က်ံ.ထံလြဥ္ငါး. လဲ့ နီနမ္း ေလာင္းကအ၀္း.ဒါး စူေဗာင္အား.(မ)
ဥာဏ္း.ပညား.စြဥ္.အား. (မ) ရြဥ္ခံ.အား.စတဲင္ နီကေႏြာင္.ရာ.
အား.တစိြဳးစိြဳးယို ေထ ေလြ. ကိုရဲုင္း ရဲုင္းခန္းမိြဳင္။
အ၀္းငမ္းနန္းဒိြဳန္းက တမဲုင္.ေဟာင္း။ မဥ္ေထေလြ.ကို
ရဲုင္းရဲုင္းႏဲုင္းယိုမ. နီသြဥ္းသီးပအုိ၀္းခိြဳ. ကအီး.ေထာင္ ေလြ.ဒါး.
အနား ဂတ္တား. နီပအုိ၀္းခမ္းထီ၊ နီခြန္နီမင္.၊ နီေဟာ္နီနန္.န၀္.
အမိြဳင္တဗား. အီး.လ.ဗား.န၀္.သြဴ။ မဥ္း.အြဥ္းလြစ္ကင္. အာငါး
စိြဳးခိြဳ.တား၀ြန္န၀္. နီကေရး.ရြယ္း.ဒါး. နီခမ္းထီယို
နန္.တိြဳး.နန္.ဗ.ငါးသြဴ။
ေပါး.ထြာသြဴပအုိ၀္းပိုန၀္.
စိြဳးခိြဳ.တား.၀ြန္း.အ၀္းဒင္း.ေျပင္ေလာင္း စြဳမ္း.ျဖာ.ျဖာ.သြဴ။
ကြပ္ပိြဳးန၀္.မ.တဲင္ ကအ၀္းအံုေယန္သူး. ေနကဒါး. ၊ စိြဳးခိြဳ.တား၀ြန္း.
ကအ၀္းအံုေယန္သူးေနကဒါး. ပအုိ၀္းပိုစြဳမ္းျဖားျဖားသီးဖံုးေဟြး------
နီခမ္းနီထီ၊ နီခြန္နီမင္.၊ နီေဟာ္နီနန္.ယို တင္း.တင္း.တယ္း.တယ္း.
ေဖး.ကအြဥ္းနယ္ေႏြာင္. ကမ ၻား.ဆ.ကီတင္း.တင္းသ်ာ.သ်ာ.န၀္. နီထူး.တား၀ြန္း.၊
နီတယ္း.ေထာင္း.ေလြေလြြြါင္း ေလြာင္းဗူး.ဗူး.
ညီးညီးသိြဳသိြဳခန္း၀င္. ႏဲုင္းဖီးအြာ ကတယ္း.ၿဖံဳး.ဒီးန၀္.မ.သနယ္
ပအုိ၀္း.ခြန္နင္.သီြး.ယားရင္. သီးဖံုး.ေဟြး----------။
အဓိပၸါယ္.သ်င္.ခ်က္.
(မ)= ေမြးတ၀္းလဲ့ သက္သား.၊ ဟိုပံု.
0 comments:
Post a Comment