ပြည်ထောင်စုသမ္မတမြန်မာနိုင်ငံ၏ (၆၅) နှစ်မြောက် လွတ်လပ်ရေးနေ့ အခမ်းအနားကို ပအိုဝ်းကိုယ်ပိုင်အုပ်ချုပ်ခွင့်ရဒေသ ဟိုပုံးမြို့ရှိ နောင်တောင်းပရဟိတကျောင်းတိုက်၌ ယနေ့နံနက် ၁၁ နာရီအချိန်တွင် ကျင်းပခဲ့သည်။
နောင်တောင်းပရဟိတကျောင်းထိုင် ကျောင်းသူများ ဖျော်ဖြေကပြစဉ်။
(ဓာတ်ပုံ- နောင်တောင်းပရဟိတကျောင်း)
ထိုအခမ်းအနားသို့ ဟိုပုံးမြို့ပအိုဝ်းတိုင်းရင်းသားများနှင့် မိဘပြည်သူများနှင့် တိုင်းရင်းသားပေါင်းစုံ ကျောင်းသားကျောင်းသူများ အစရှိသဖြင့် တက်ရောက်ခဲ့သည်။ ထိုအခမ်းအနားတွင် နောင်တောင်း ပရဟိတကျောင်းထိုင်ဆရာတော် အရှင်ရာဇိန္ဒ မှ အဖွင့်အမှာစကားပြောကြားခဲ့ပါသည်။
“လွတ်လပ်ရေးနေ့မှာ ကျောက်တစ်လုံးလမ်းနှင့် ဟိုပုံးမြို့လမ်းတလျှောက်လုံးမှာ စည်းလုံးညီညွတ်စွာ ပအိုဝ်းတိုင်းရင်းသားရိုးရာဝတ်စုံနဲ့ သွားလာနေကြတာကို တွေ့ခဲ့ရပါတယ်။ ပအိုဝ်းကိုယ်ပိုင်အုပ်ချုပ်ခွင့်ရဒေသမှာရှိတဲ့ တိုင်းရင်းသားပေါင်းစုံများနဲ့ ထပ်တူ (၆၅) နှစ်ပြည့် လွတ်လပ်ရေးနေ့မှာ တိုင်းရင်းသာတွေအားလုံး တန်းတူညီမျှ ငြိမ်းချမ်းရေးအတွက် အခွင့်အရေးများကို ဖော်ဆောင်နိုင်ပါစေလို့ ဆုတောင်းလိုက်ပါတယ်”
နောင်တောင်းပရဟိတကျောင်းထိုင် ဆရာတော်အရှင်ရာဇိန္ဒ မှ
အဖွင့်အမှာစကားပြောကြားခဲ့စဉ်။ (ဓာတ်ပုံ- နောင်တောင်းပရဟိတကျောင်း)
ထို့အတူပင် မြန်မာနိုင်ငံသည် ဌာနေတိုင်းရင်းသားလူမျိုးပေါင်းစုံနှင့် ဖွဲ့စည်ထားသည့် ပြည်ထောင်စုနိုင်ငံဖြစ်သည်ကို အမြဲတမ်း အောက်မေ့ရမည်ဖြစ်ပြီး၊ ယခုလက်ရှိ မြန်မာနိုင်ငံတွင် ဖြစ်ပျက်နေသော ပဋိပက္ခများကို ဖြေရှင်းရာ၌ မတူသော အတွေးခေါ်များအား အပြန် အလှန်လေးစားရန် လိုအပ်ကြောင်းကိုလည်း လွတ်လပ်ရေးနေ့ပွဲအခန်းအနားသို့ တက်ရောက်လာတဲ့ ပအိုဝ်းလူငယ်တစ်ဦးက ဆိုပါသည်။
0 comments:
Post a Comment