သာဂရမြို့သည် ပျူမြို့ဖြစ်ကြောင်း သက်သေပြနိုင်ပြီ

သာဂရသည် ပျူမြို့ဖြစ်သည် သာဂရကို ပျူလို့ သတ်မှတ်နိုင်ပြီဗျ လို့ ၀မ်းသာလွန်းတဲ့လေသံနဲ့ ဆရာဦးနိုင်ဝင်းတစ်ယောက် အော်လေရဲ့။ ကျွန်တော်တို့ အားလုံး ဆရာကို အံသြစွာဝိုင်းကြည့်မိကြတယ်။

နွေနေရဲ့ပူပြင်းလှတဲ့ မွန်းတည့်နေရောင် အောက်မှာ ချွေးသံတရွဲရွဲ၊ အပြုံးမျက်နှာနဲ့ ဆရာဦးနိုင်ဝင်းက အောင်နိုင်သူစစ်သူကြီးတစ်ဦးက ဓါးတစ်စင်းကို ကိုင်ထားသလို စာရေးထားတဲ့ အုတ်ချပ်ကျိုးကို ကိုင်ဆောင်ထားလေတယ်။

ဟောဒီမှာလည်းတစ်လုံးဆရာ၊ ဒီဟာဟုတ်ရဲ့လားဆရာနဲ့ ကျွန်တော်တို့လည်း ပိုမိုတက်ကြွလာတယ်၊ အုတ်ပုံတွေ၊ အဆောက်အအုံဟောင်းတွေရဲ့ အုတ်တွေလှန်ကြ၊ပွတ်ကြ နဲ့အလုပ်ရှုတ်နေကြတာပါ။

အုတ်ပုံတွေရှိရာကိုရှာကြတယ်၊ ကံကောင်းချင်တော့ ရှင်ဇလွန်ဘုရာကြီးမွမ်းမံနေလို့ အုတ်ဟောင်းတွေအများ ကြီးရှိနေတယ်။

ကျွန်တော်က သာဂရကို ပျူလို့ယုံကြည်ပြီးသား၊သက်သေပြဖို့လိုတယ်၊ ပစ္စည်းသက်သေတွေက ဆရာတို့ပြောထားလို့ အားလုံးသိနေကြပြီ၊ ပိုမိုခိုင်အောင်လို့ စာပေအထောက်အထားရှာတာပါ၊
လို့ ထမင်းစားပြီး ဆေးပေါ့လိပ်ကို သောက်ရင်း အတွေးရင့်ရင့်နဲ့ ဆရာဦးနိုင်ဝင်းက ဆိုပါတယ်၊ ဆရာသိပ်မယုံဘူးဆိုတာသိပါတယ်လို့ ကျွန်တော်မျက်နှာကို ကြည့်ရင်းဆိုပါတယ်၊ ကျွန်တော်က ပြန်ပြုံးပြလိုက်မိတယ်။

သုတေသနဆိုတာပြောတော့အတော်လွယ်တယ်၊ လုပ်ရတော့အရမ်းခက်တယ်၊ တွေ့ပြန်တော့လည်း အများယုံအောင် ပြောဖို့လိုပြန်ကော၊ သမိုင်းသုတေသနကပိုခက်တယ်ဗျ။

အုတ်မှာရေးထားတဲ့ရှေး ဗြဟ္မီတို့၊ ပျူစာတွေကို သက်သေပြဖို့ ကျွန်တော်စာပါတဲ့ အုတ်(၄၀၀၀)ကျော်စုထားပြီးပြီး၊ အဓိက မွန်ပြည်နယ်ထဲမှာ၊ အခု တနင်္သာရီတိုင်းအတွင်းက သာဂရကို စရှာတာပါ လို့ ဆိုပြန်တယ်။

ဆရာရေ၊ တံဆိပ်ပါတဲ့အုတ်ချပ်တွေအများကြီး ကျွန်တော်တွေ့ဖူးပါတယ်၊ အချို့က လေးထောင့်ပုံ၊ အချို့က အင်္ဂလိပ်စာလုံးတွေ၊ အချို့က ဟိုခြစ်ဒီခြစ်ပါလို့ ကျွန်တော်က ပြောပါတယ်။ ဆရာက တပည့်တစ်ဦးကို ဆရာပီသတဲ့ အပြုံးနဲ့၊ ဆရာာတွေ့ဖူးတာတွေ က ရှေးစာတွေပါ လို့ ပြန်ပြောတယ်၊

ဟုတ်လို့လားဆရာလို့ ကျွန်တော်က အထွန့်တက်တဲ့အခါ ဒီမှာကြည့်ဆိုပြီး ဆရာကြီးဦးရွှေဇံအောင်ရေးတဲ့ စာအုပ်ထဲက ရှေးဗြဟ္မီ၊ ပျူစတဲ့ အက္ခရာတွေထုတ်ပြတယ်။

ကျွန်တော်တို့လည်း စာအုပ်ထဲက အက္ခရာတွေနဲ့ အုတ်ချပ်မှာပါတဲ့အမှတ်အသားတွေတိုက်ကြည်တဲ့အခါ အရမ်းကို တူညီနေတာတွေ့ရတယ်၊ အံ့လည်းအံ့သြ၊ ၀မ်းလည်းဝမ်းသာဗျာ၊ ဆရာယုံပြီလားလို့ပြောရင်း ဟောဒီလေးထောင့်က ဗ၊ ဟောဒီအစင်းက ရ၊ ဟောဒီကြက်ခြေခတ်လိုဟာက ကလို့ ဆက်ရှင်းပြပါတယ်။

ဆရာဦးနိုင်ဝင်းကို ကြည့်ရင်း ကိုယ်ကို ကိုယ့် ၀မ်းနည်းဒေါသဖြစ်လိုက်ရတာ၊ အမြဲလိုလို တွေ့နေရတဲ့ အင်မတန်အရေးပါတဲ့ စာပေအထောက်အထားတွေကို လွှင့်ပစ်ထားခဲ့မိတယ်။

ဆရာဦးနိုင်ဝင်းကို လည်းကျေးဇူးတင်လိုက်တာဗျာ၊ အောက်ခြေ လွတ်ဘ၀င်မြင့်နေတဲ့စိတ်တွေပျောက်သွား တယ်။ ပညာရှင်တွေကို လေးစားလိုက်တာဗျာ၊ ဆရာက ကျွန်တော်ကို နှစ်သိမ့် ပါတယ်၊ ဆရာအပြစ် မဟုတ်ပါဘူးဗျာ၊

သမိုင်းသီအိုရီတွေက ပြောင်းလဲနေတာဘဲ၊ ရှေးဆရာကြီးတွေလည်း ကြိုးစားခဲ့တာဘဲ၊ ဒါပေမယ့် ကိုယ်တိုင်လည်း ရှာဖို့လိုတယ်၊ ဒီနေရာမှာ အဖြစ်နိုင်ဆုံးအမှားတွေက ပထမအချက် အုတ်ဆိုရင် အရွယ်ကြီးလေရှေးကျလေဆိုတဲ့အချက်ပါ။

အခုစာပါတဲ့ အုတ်အများစုက ၈လက်မလောက်ဘဲကြီးတယ်၊ ဒုတိယအချက်က အက္ခရာသမိုင်းကို မသိကြတာ၊ စာကို မြင်လို့စာမှန်းမသိတာ၊ တတိယအချက်က ဘယ်သူမှမဖော်ထုတ်ဘူးသေးတော့ လေ့လာရမှန်း မသိသေးတာလို့ ရှင်းပြပါတယ်။

ဆရာဦးနိုင်ဝင်းက မော်လမြိုင်တက္ကသိုလ် သမိုင်းဌာနမှာတာ ၀န်ထမ်းဆောင်နေပါတယ်၊ စာမေးပွဲပြီးခွင့်ယူပြီး ထားဝယ်ကို လာတယ်၊ ပြီးတော့ သာဂရမြို့ဟောင်းကို လေ့လာတယ်၊ ဆရာရဲ့အထူးပြုလေ့လာတဲ့ သမိုင်းပညာရပ်က အုတ်ချပ်တွေမှာရေးထားတဲ့ စာကို လေ့လာမှတ်တမ်းတင်ဖော်ထုတ်တာဖြစ်ပါတယ်။

အခုဆရာဦးဆောင်ပြီး ထားဝယ်တက္ကသိုလ်ကဆရာတွေ၊ ရှေး သုက၀န်ထမ်းတွေ၊ သာဂရဒေသခံတွေစုပေါင်း လုပ်ဆောင်ကြတာပါ။

စာပါတဲ့အုတ်ချပ်တွေကို သာဂရမြို့ဟောင်းအတွင်း ရှင်ဇလွန်ဘုရား၊ ရဟန္တာသိမ်၊ မြေတိုက်ကျောင်း၊ မြို့ဟောင်းအပြင်က ပျူသချိုင်္င်း၊ မြင်ထင်တောင်တွေမှာတွေ့ရပါတယ်၊ သာဂရမြို့ဟောင်းအတွင်း အချိန်နည်းလို့ သေချာမရှာရသေးပါဘူး၊

ဒါ့အပြင် စခန်းကြီးကျေးရွာ၊ ရပ်ခံတောင်တွေမှာလည်း လေ့လာတဲ့အခါ ထပ်မံတွေ့ရှိရပါတယ်။ သုတေသနကာလ၄/၅ရက်လောက် ဆရာဦးနိုင်ဝင်းရှာတွေ့ခဲ့တဲ့ စာပါအုတ်ချပ်(၅၀)လောက်စုထားမိတယ်၊ မှတ်တမ်းတင်ထားနိုင်ခဲ့တယ်။ ဆရာတို့ဆက်လုပ်စေချင်တယ်၊ ဒီထက်မကရှိအုံးမှာလို့ ပြောပါတယ်။

ကျွန်တော်တို့အရေးတစ်ကြီးဆက်လုပ်ရမှာပါ။ ဗြဟ္မီအက္ခရာက မြတ်စွာဘုရားရှင်လက်ထက်နဲ့၊ အာသောကမင်းကြီးလက်ထက်တွေမှာသုံးတယ်၊ ပျူအက္ခရာက လွန်ခဲ့တဲ့နှစ်ပေါင်း ၂၀၀၀လောက်ကစသုံးပြီး ပုဂံခေတ်အစောပိုင်းအထိသုံးတယ်၊

ထင်ရှားတဲ့ ရာဇကုမာကျောက်စာဆိုတာရှိပါတယ်။ အခုကျွန်တော်တို့ ထားဝယ်သားတွေလည်း စာပေအထောက်အထားတွေရှိနေပြီ၊ ဆက်လက်သုတေသနလုပ် ရအုံး။ ဆရာဦးနိုင်ဝင်းကြွေးကြော်သလို သာဂရသည် ပျူဖြစ်တယ်ဗျို့လို့ ကျွန်တော်လည်း အော်တယ်ဗျာ။

ဆရာဦးနိုင်ဝင်းအား ရိုသေစွာရှစ်ခိုးကန်တော့ပါ၏။