မိုးနဲမြို့နယ်တွင်ရှမ်းပြည်တပ်မတော်(တောင်ပိုင်း)ယွက်ဆစ်အဖွဲ့မှ ဒေသခံတစ်ဦးအား ပြန်ပေးဆွဲ ငွေတောင်းယူမှုဖြစ်ပွား

 23.4.2013

ရှမ်းပြည်နယ် အရှေ့ပိုင်း မိုးနဲမြို့နယ်၊ နားခံကျေးရွာတွင် ယမန်နေ့က ရွာသားတစ်ဦးအား ရှမ်းပြည်တပ်မတော် (တောင်ပိုင်း)ယွက်ဆစ်အဖွဲ့ မှ ဖမ်းဆီးသွားပြီး ငွေတောင်းယူမှု ဖြစ်ပွားခဲ့ကြောင်း သိရှိရသည်။
...
“ အဲဒီနေ့ မနက်ကိုးနာရီလောက်မှာ ယွက်ဆစ်အဖွဲ့က ငါးဦးလောက် ရွာထဲကို ၀င်လာတယ်၊ လက်ထဲမှာလည်း သေနတ်တွေကိုင်ထားတော့ အိမ်ထဲက အိမ်ပြင်မထွက်ရဲ ကြဘူး၊ ပြည်ခိုင်ဖြိုး ပါတီ က ကျေးရွာစည်းရုံးရေးမှူး အိမ်ကို ၀င်သွားတာတွေ့တယ်၊ ငါးမိနှစ်လောက်ကြာတော့ အဲဒီအဖွဲ့နဲ့ အတူ ကျေးရွာစည်းရုံးရေးမှူး ပါသွားတယ် ၊ ဒီနေ့ထိတော့ ရွာထဲကို ပြန်ရောက်မလာသေးဘူး၊ ယွက်ဆစ်အဖွဲ့က ခေါ်သွားရင် ပြန်လာတဲ့လူ မရှိသ လောက်ပါပဲ၊ ရွာထဲမှာ ပြောနေကြတာတော့ စည်းရုံးရေးမှူးကို ယွက်ဆစ်အဖွဲ့က ပြန်ပေးဆွဲသွားတာ ဖြစ်ပြီးတော့ ငွေ (၁၅) သိန်းနဲ့လာရွေး မှ ပြန်လွှတ်ပေးမယ်လို့လည်း ပြောနေကြတယ်၊ ငွေမရရင်တော့ အသတ်ခံရမှာပေါ့၊ သူတို့လက်ထဲ မှာသေနတ် ကိုင် ထားတော့ ကျွန်တော်တို့ရွာသားတွေ ဘာပြန်ပြောရဲမှာလဲ၊ အသက်အန္တရာယ်အတွက် အမြဲစိုးရိမ်နေရတယ် ” ဟု ရွာခံတစ်ဦးက ပြောပြသည်။

၂၀၁၂ ခု ဒီဇင်ဘာလအတွင်းတွင် ၀မ်ဆင်းရွာမှ ဒေါ်သင်းမေနှင့် ဦးရာကျော်၊ ၂၀၁၃ ခု ဇန်န၀ါရီလတွင် နမ့်မော်ခေါက်ဆင့်ရွာသား ဇော်ဝမ်းနှင့် ၀င်းညွန့် ၊ ၂၀၁၃ ခု မတ်လတွင် သီပေါမြို့ ဇာတ်စုရပ်ကွက်မှ ဦးလှရွှေ တို့အား ရှမ်းပြည်တပ်မတော်(တောင်ပိုင်း)ယွက်ဆစ်အဖွဲ့မှ ပြန်ပေးဆွဲခဲ့ပြီး ငွေနှင့်ပြန်လည် လဲလှယ်မှုများ ပြုလုပ်ခဲ့ကြောင်း သိရသည်။

ရှမ်းပြည်တပ်မတော်(တောင်ပိုင်း)ယွက်ဆစ်အဖွဲ့သည် ငြိမ်းချမ်းရေးဆွေးနွေးပြီးသော်လည်း ဒေသခံ တိုင်းရင်းသားများအား လူသစ်စုဆောင်းခြင်း၊ နှစ်စဉ်ဆက်ကြေးငွေ ကောက်ခံခြင်း၊ ဘိန်းခွန်ငွေကောက်ခြင်း၊ လူပြန်ပေးဆွဲ ငွေတောင်းခံခြင်းများ ဆက်လက်ဆောင် ရွက်နေခြင်းကြောင့် ဒေသခံများမှာနေရပ်ကို စွန့်ခွာထွက်ပြေးနေကြရပြီး အချို့မှာစွန့်ခွာထွက်ပြေးရန် စဉ်းစားနေကြရပြီဖြစ်ကြောင်း သိရှိရပါသည်။