စစ်ကိုင်းတိုင်း ရွှေဘိုမြို့အနီး အင်အားပြင်း ငလျင် လှုပ်ခတ် မန္တလေးတိုင်းဒေသကြီးနှင့် စစ်ကိုင်း တိုင်း ဒေသကြီး အတွင်းရှိ မြို့နယ်အချို့တွင် ပျက်စီးမှု၊ ထိခိုက်ဒဏ်ရာ ရမှုနှင့် သေဆုံးမှု အချို့ ဖြစ်ပေါ်ခဲ့

ယနေ့ နံနက် (၇) နာရီ (၄၂) မိနစ် (၃၇) စက္ကန့်တွင် မန္တလေး မြေငလျင် စခန်းမှ မြောက်ဘက် (၈၂) မိုင် ခန့်၊ ရွှေဘိုမြို့၏ မြောက်ဘက် (၄၅) မိုင်ခန့် နေရာကို ဗဟိုပြု၍ အင်အား ရစ်(ခ်)တာစကေး (၆ ဒသမ ၈) အဆင့်ရှိ အင်အား ပြင်းထန်သော မြေငလျင် တစ်ခု လှုပ်ရှားသွားခဲ့ကြောင်း၊ နံနက်(၇) နာရီ (၅၉) မိနစ် (၅၉) စက္ကန့်တွင် မန္တလေးမြို့ မြောက်ဘက်(၅၉)မိုင်ခန့်၊ ရွှေဘိုမြို့မှ အရှေ့မြောက်ဘက်(၂၃)မိုင်ခန့်၊ မိုးကုတ်မြို့မှ အနောက်ဘက် (၃၆) မိုင်ခန့်နှင့် သပိတ်ကျင်းမြို့မှ အနောက်တောင်ဘက် (၄)မိုင် ခန့် နေရာကို ဗဟိုပြု၍ အင်အားရစ်(ခ်)တာ စကေး (၅ ဒသမ ဝ) အဆင့်ရှိ ငလျင်တစ်ခုနှင့် နံနက်(၈) နာရီ (၂)မိနစ် (၂၈)စက္ကန့်တွင် မန္တလေးမြို့ မြောက်ဘက်(၅၃)မိုင်ခန့်၊ ရွှေဘိုမြို့ အရှေ့မြောက်ဘက် (၁၆) မိုင်ခန့်၊ မိုးကုတ်မြို့မှ အနောက်ဘက် (၄၁) မိုင်ခန့် နှင့် သပိတ်ကျင်းမှ အနောက်တောင်ဘက် (၁၂) မိုင်ခန့် နေရာကို ဗဟိုပြု၍ အင်အား ရစ်(ခ်)တာစကေး (၅ ဒသမ ဝ) အဆင့်ရှိ ငလျင်တစ်ခု ထပ်မံ လှုပ်ရှား သွားခဲ့ကြောင်း မိုးလေဝသနှင့် ဇလဗေဒ ညွှန်ကြားမှု ဦးစီးဌာနက ထုတ်ပြန် ကြေညာခဲ့သည်။

ယင်းငလျင်ကြောင့် စစ်ကိုင်းတိုင်း ဒေသကြီးနှင့် မန္တလေးတိုင်း ဒေသကြီး အတွင်းမှ စစ်ကိုင်း၊ ရွှေဘို၊ ကျောက်မြောင်း၊ ခင်ဦး၊ မန္တလေး၊ အမရပူရ၊ စဥ့်ကူး၊ ကျောက်ဆည်နှင့် သပိတ်ကျင်းမြို့နယ် တို့တွင် ပျက်စီးမှု အချို့နှင့် ထိခိုက် သေဆုံးမှု အချို့ ရှိခဲ့ကြောင်း သိရသည်။

ငလျင် လှုပ်ရှားမှုကြောင့် စစ်ကိုင်းမြို့တွင် ကောင်းမှုတော်ဘုရား စိန်ဖူးတော်တိုင် အနည်းငယ် တိမ်းစောင်းသွားခြင်း၊ ဆင်များရှင်ဘုရား ထီးတော်ထိပ်မှ ဖန်သီးအချို့ ပြုတ်ကျခြင်း၊ မဟာစေတီဘုရားတွင် ဘုရား၏ လုံးပတ်နေရာ အချို့ အနည်းငယ် ကွဲအက်ခြင်း၊ လေးကျွန်းမာန်အောင် ချမ်းသာကြီးဘုရား စိန်ဖူးတော် ပြုတ်ကျခြင်း၊ ထူပါရုံဘုရား သပိတ်မှောက် အောက်ပတ်လည်တွင် အက်ကြောင်းအချို့ ဖြစ်ပေါ်ခြင်း၊ ရတနာပုံ တံတားထိပ်ရှိ မုခ်ဦးအနည်းငယ် ပျက်စီးခြင်းတို့ ဖြစ်ပေါ်ခဲ့ကြောင်း။

ရွှေဘိုမြို့တွင် မြို့ထောင့်စေတီဘုရား၏ ထီးတော် ယိုင်လဲခြင်း၊ လမ်းလယ်ဘုရား ဓမ္မာရုံ၏ ကဆွန် ပြိုကျခြင်း၊ အရှေ့ လောကမာရဇိန် ဘုရားမုခ်ဦး ပြိုကျခြင်း၊ အမှတ်(၉) ကျားကျောင်း ဘုန်းကြီးကျောင်း အုတ်တံတိုင်း (၄)ခန်း ပြိုကျခြင်း၊ မင်းတုန်းကျေးရွာ ဘုန်းကြီးကျောင်း မုခ်ဦးပြိုကျခြင်း၊ အမှတ်(၁)ရပ်ကွက်ရှိ ဆန်စက်(၁)ခု၏ ခေါင်းတိုင် ထိပ်ပိုင်း (၆)ပေခန့် ပြိုကျခြင်းနှင့် ဈေးဆိုင်ခန်း တစ်ခု၏ အပေါ်ထပ် အုတ်နံရံ ပြိုကျခြင်းတို့ ဖြစ်ပေါ်ခဲ့ကြောင်း။

ကျောက်မြောင်းမြို့တွင် အမှတ်(၂)ရပ်ကွက်ရှိ အိမ်(၁)အိမ်မှ အုတ်တံတိုင်း (၃)ခန်း ပြိုကျခဲ့ရာမှ အမျိုးသမီးတစ်ဦး အုတ်တံတိုင်းပိ သေဆုံးပြီး (၁ဝ) ဦး ဒဏ်ရာရရှိခဲ့ကြောင်း၊ ဧရာဝတီ မြစ်ကူးတံတား (ရတနာသိင်္ဃ) ၏  RP-1 နှင့်   RP-2 ကြားနှင့် RP-2 နှင့် RP-3 ကြား တံတားအခန်း (၂) ခန်းမှ တပ်ဆင်ဆဲ သံပေါင်များ၊ သံပေါင်ပေါ်ရှိ Erection Tower နှင့် Erection Crane တို့ ပြုတ်ကျသွားပြီး တံတား အောက်ဘက်ရှိ ရေယာဉ်များပေါ် ကျရောက်သဖြင့် Barge (၁) စီးနှင့် Z-craft  (၁)စီး နစ်မြုပ်ကာ (၁) ဦး သေဆုံး၊ (၄) ဦး ပျောက်ဆုံး၍ (၁၅) ဦး ဒဏ်ရာရရှိခဲ့ကြောင်း။

ခင်ဦးမြို့တွင် မြို့နယ်ရဲတပ်ဖွဲ့မှူးရုံး၏ အရှေ့ဘက် အုတ်တံတိုင်း(၁ဝ)ခန်း ပြိုကျခြင်း၊ တဘွတ်ကျေးရွာ ဘုန်းကြီးကျောင်းနှင့် နှစ်ထပ် ဘုန်းတော်ကြီးသင် စာသင်ကျောင်း ပြိုကျခဲ့ပြီး သံဃာ (၁) ပါး ဒဏ်ရာရရှိခြင်းတို့ ဖြစ်ပေါ်ခဲ့ကြောင်း။

မန္တလေးမြို့တွင် လေးမျက်နှာဘုရား၊ အရိပ်မထွက် ဘုရားနှင့် စန္ဒာမုနိ ဘုရားတို့မှ စိန်ဖူးတော်များ မြေခခဲ့ကြောင်း။

အမရပူရ မြို့နယ်တွင် ပုထိုးတော်ကြီးစေတီ၏ စိန်ဖူးတော် မြေခခဲ့ပြီး စွယ်တော်မြတ် စေတီ (မန္တလေး) ၏ စိန်ဖူးတော် အလယ်ပစ္စယံသို့ ပြုတ်ကျခဲ့ခြင်းတို့ ဖြစ်ပေါ်ခဲ့ကြောင်း။

စဥ့်ကူးမြို့တွင် ရွှေဂူကြီးဘုရား မုခ်ဦး တစ်ခြမ်းပြိုကျခြင်း၊ ရွှေဂူကြီး မူလတန်းကျောင်းရှိ  ကျောင်း ဆောင် တစ်ဆောင်နှင့် အုတ်တံတိုင်းပေ ၃ဝဝ ခန့် ပြိုကျခြင်း၊ ရွှေယက်တောင် ဘုရား၏ တံခွန်တိုင်နှင့်  မုခ်ဦးပြိုကျခြင်း၊ တောရကျောင်းတိုက် အုတ်တံတိုင်း (၅)ခန်း ပြိုကျခြင်း၊ ပရိယတ္တိ သတ္တမဝံ သနန္ဒာ ကျောင်းတိုက် အုတ်တံတိုင်း ပေ(၆ဝဝ)ခန့် ပြိုကျခြင်း၊ အမှတ်(၂) ရပ်ကွက်ရှိ နေအိမ်တစ်လုံး ပြိုကျပြီး ၎င်းအိမ်နေ လူ(၃)ဦး ထိခိုက်ဒဏ်ရာရရှိခြင်း၊ နွယ်ရုံ ရဲကင်း၏ မျက်နှာကျက် ပြိုကျခြင်း၊ နွယ်ရုံရွာရှိ ဒို့ညီနောင် စားသောက်ဆိုင်၏ အုတ်နံရံ ပြိုကျရာမှ အမျိုးသား (၁)ဦး သေဆုံးခဲ့ခြင်းတို့ ဖြစ်ပေါ်ခဲ့ကြောင်း။

ကျောက်ဆည်မြို့တွင် ဘနွဲရွာ ဝေဇယန္တာ ကျောင်းတိုက်ရှိ အောင်တော်မူ ဘုရား စိန်ဖူးတော် မြေခခဲ့ကြောင်း။

သပိတ်ကျင်းမြို့တွင် သပိတ်ကျင်း ရဲစခန်းမှ အဆောက်အဦ တစ်ခု၏ အုတ်နံရံ ပြိုကျခဲ့ခြင်း၊ ကြာညှပ် ရဲစခန်း ရိပ်သာနှင့် စခန်းရုံး နံရံ ပြိုကျခဲ့ခြင်းနှင့် ဝန်ထမ်း နေအိမ်(၁) လုံး၏ နံရံ ပြိုကျခဲ့ခြင်း တို့ ဖြစ်ပေါ်ခဲ့ကြောင်း ကနဦး သတင်းရရှိသည်။

အဆိုပါ ငလျင်ဘေးဒဏ်သင့် ဒေသများတွင် အပျက်အစီးနှင့် ဆုံးရှုံးမှု အခြေအနေကို ဒေသ အာဏာပိုင်များက စာရင်းကောက်ယူလျက် ရှိကြောင်း၊ ကူညီ ကယ်ဆယ်ရေး လုပ်ငန်းများ ကို ဆောင်ရွက်လျက်ရှိကြောင်း သတင်းရရှိသည်။

ယနေ့ နံနက်ပိုင်းက လှုပ်ရှားသွားသည့် ငလျင်ဒဏ်ကြောင့် ပျက်စီး ဆုံးရှုံးမှု အချို့ ရှိခဲ့သော်လည်း ထိုဒေသရှိ ဆည်များနှင့် စစ်ကိုင်းတိုင်း မုံရွာမြို့ ဗောဓိတစ်ထောင်ဝင်း အတွင်းရှိ ဥာဏ်တော်အမြင့် (၄၂၄) ပေရှိသော ရပ်တော်မူ ရုပ်ပွားတော်ကြီးမှာ ထိခိုက် ပျက်စီးမှု တစ်စုံတစ်ရာ မရှိခဲ့ကြောင်း သိရှိရပါသည်။